Release Date: 2018-01-29 18:30:00

*SANITATION DEPARTMENT LADC IN LAWNGTLAI KHAWPUI CHHUNGA CHAWHMEH LEH THILDANG LALUT TUTE A KO KHAWM* Lawngtlai mipuiten eitur thianghlim zawk leh hrisel zawk kan lo neih theihnan LADC Sanitation Department chuan Lawngtlai khawpui chhunga Eitur Thlai leh Thei, Kuhva leh Panhnah lalut a supply tute vawiin date 30.1.2018 khan a Office ah a ko khawm. Sanitation Officer Pu C. Lalhmunsiama chuan supplier kalkhawmte chu tunhnai ah phailam atanga Panhnah chahthlen ah DDT rim nam a awm tih leh thlairah a chhiatloh nana damdawi hman uar ta lutuk chu pawi a tih thu sawiin state chhung hmundanga pawh thlairah chhum ah damdawi rim a nam avangin chawhmeh tamtham tak mansaka tihralsak an awm tih sawiin Supplier te chu phailama an agent te hnenah hetiang hi thawnlo turin leh a hrisel ngei chauh inthawntir turin a hrilh a, hetiang ti te manchhuah an nih chuan an license thlenga tihtawpsak tura hmalak ani dawn ati. Sa thianghlim leh hrisel chauh talh anih theihnan Sanitation Department chuan District Council Veterinary Department-a Doctor leh thawktute nen tangrualin ran talh tur an endik thin thu a sawi a, sa hrisel leh thianghlim ngei ani tih certificate nei ngei chauh lei thin turin mipuite an hriattir bawk ani. Faina leh thianghlimna kawnga Department hmalakna ah Bazar YLA ten tlawmngai taka an thawhpui thin chu lawmawm atih thu leh hun lo la kal zel turah pawh thawhpui turin a sawm bawk ani. Written and published by Collins Ngurnunchhunga, AI&PRO 30012018-1350