SSA MISSION HNUAIAH AID AND APPLIANCES SEM ANI
Lawngtlai, October ni 29, 2019
SSA Mission Lawngtlai hmalakna in vawiin khan ‘Distribution of Aid & Appliances for Children with Special Needs’ chu SSA BRC Hall Lawngtlai ah neih ani.
He hun hi Pu H. Lalmuanpuia, Coordinator MIS in kaihruaiin SSA hnuaia CWSN naupangte chu school tina zirtirtu ten identify in, doctor ten kar hmasa lamah SSA BRC Hall-ah hian an lo endik tawh thu sawiin hemi atanga mamawh zual bik neite chu thlanchhuah an ni tih sawiin hemi atana zirtirtute inpekna leh an naupangte hmakhua an ngaihzia a lang ani ati.
DPC SSA Pu C. Lawmsangzuala chuan Zirtirtu leh zirlai kalkhawm te chu hemi kawnga an naupangte lo thlithlai reng turin leh mamawh bik nei zirlai naupangte chu lo chhinchiah a thlen thin turin a chah a, hetiang ang programme hi fund neihdan a zirin kalpui zel tum anih tur thu a sawi.
Vawiin hian Zirlai naupang mit thalo sawmsarih pakhat (71) hnenah tarmit pek a niin, Crutch pathum (3) leh Wheel-chair pathum (3) sem ani. Hemi bakah hian zirlai naupang harsa zual thlanchhuah mi sawmpali (14) te tan nitina In atanga Sikul an kalna tur (transportation allowance) pawh an bank account ah thunsawk an ni.
He hunah hian Pi S. Lalrinchhani, Coordinator (IE) chuan report pe in Pi C. Lalramdinchhungi’n vote of thanks sawiin he hun tithlawhtling tura zirtirtu leh zirlai naupang kalkhawmte hnenah lawmthu a sawi ani. He hunah hian Lai Autonomous District Council Education & Human Resources Department atangin Officers engemawzatin an telpui ani.
