INFORMATION & PUBLIC RELATIONS DEPARMENT
LAI AUTONOMOUS DISTRICT COUNCIL LAWNGTLAI
PR.NO.69/2021-2022
Lawngtlai,Dipa,6,2021: Vawiin khan, Serchhip a neih zawh tak, D-3 Business Enterprise Mizoram State Boxing Championship-2021 a, Lawngtlai District aiawh a Boxer fehchhuak, hlawhtlinna changte lawmpuina hun, SYS Department chuan a buatsaih.
Pu C. Hrangthianga, Executive Member, Sports & Youth Services Dept. LADC changtu chuan, Boxer Lawmpuina leh fuihna thu a sawi a. Infiamna leh mahni inthununtheina chu thil kal kawp tlat anih anga, ruihlo leh taksa tana thalo thil hrang hrang laka fihlim turin infiamite chu a chah bawk.
EM chuan, Boxer te chu Boxing ah an rilru leh theihnate sawrbing a , hlawhtlinna sang zawk chang thei tur a, inbuatsaih turin a ngen . Boxing chu, eizawnna tling phak, india ram leh khawvel pum a laifate kan lan ve theihna,sport discilone thatak a nih thu leh Lairam chhunga Infiammite tan LADC Sorkar chuan an tan theihtawp a chhuah zel dawn thu a sawi.
Pu Andrew Laltlanzara, Exeutive Member, Education (Middle School) changtu pawhin, Lawngtlai District hming ti thatu, boxerte chu a lawmpui a, Infiamna leh Zirna chu kal kawp tlat anih avangin ,infiamite ten zirna an chhunzawm zel theih nan department pawhin ruahmanna a siam zel dawn tih a sawi.
He hun hi Pu Thathluna Chinzah, S&YO LADC chuan a kaihhruai a, Pu Lalthanzara, SRO leh LDSC Hruaitute Pu C. Lalhmangaihkima Vice Chairman leh Pu Matthews R Laldinpuia, Secretary ten he hun hi an hmanpui a ni.
Written & published by:
I&PRO,LADC
