Release Date: 2018-12-06 18:30:00

Environment, Forest & Climate Change Department, Lai Autonomous District Council buatsaihin vawiin 12.7.2018 hian Two-Day Training on GPS for Field Staff chu LADC E&F Conference Hall ah Pu H. Lalramenga, Executive Secretary, Lai Autonomous District Council in a hawng. Training hawnna hun tawite neih ah hian Pu H. Lalramenga Executive Secretary chuan fuihna thu sawiin training tura kal te chu an training ah rilru pe turin leh chhawrtlak a zir turin a chah a. LADC chu kan Ram ani a, helai area a thing leh mau leh nungchate tehi kan ta ani a, a humhalh leh a chereu tur venna kawngah pawh theihtawp chhuah turin leh neitu chan chang turin a chah a, rinawm leh thahnemngai taka thawk tura fuihin LADC area a thing leh mau, nungcha te humhalh chu an kutah a awm ani ati. Training chhung Pu B. Lalrammuanpuia, R/O (F) Bualpui in Application of GPS in Forest Management, Practical Work, mapping atana GPS hman dan te a zirtir anga, Pu Frankie Th. Lalramchharliana, Computer Operator in Garmin Etrex 20/30 manual leh creation of Track log & Routes te powerpoint presentation hmangin a pe dawn ani. He training ah hian LADC hnuaia Forest Range panga – Sangau, Bualpui, Bungtlang, Chawngte leh Lawngtlai atangin Range Officer (R/O), Forest Guard leh Forester te kalkhawmin mi 30 in GPS hmandan training hi an nei ani.