Vawmbuk ah PACS Campaign CEM hovin neih a ni. Nimin chawhnu (23.8.2018) chawhnu dar 2:00 khan Vawmbuk ah Mizoram Co-Operative Apex Bank buatsaihin, Primary Agriculture Credit Co-Operative Society (PACS) chungchang inhrilhriatna leh inzirtirna neih a ni. He hun hmanpuitu, Lai Autonomous District Council CEM, Pu T. Zakunga chuan Sum peipun leh vawnthat chungchang a mipuiten zirtirna an mamawh em em lai a, inzirtirna hun buatsaih a ni chu lawmawm a tih thu a sawi a, Vawmbuk MDC bialah ah mipui mamawh em em mai sum dahkhawlna tur Bank kan nei ve lova, harsatna tam tak kan tawk a ni a ti a. Mizoram Co-Operative Apex Bank hmalaknaa PACS dinna tura training buatsaih a ni chu a lawmawm hle a ni a ti. He hun ah hian Pi. T. Lalmuanpuii Chairman MCAB chuan, Primary Agriculture Credit Co-Operative Society (PACS) din tur chuan tumruhna, taihmakna leh rinawmna a ngai a ni. PACS hruaitu ni tur chuan, pawisaa mi rinawm nih a ngai a ni a ti. Vawmbuk a hun hmanna ah hian Mizoram Co-Operative Apex Bank a hotute leh Vawmbuk MDC bial chhung a khaw hrang hrang, Vawmbuk, Tialdawngilung leh Archhuang khua te an tel a, mipui atangain an hriatthiamlohna zawhna hun zautak a hawn niin, Apex Bank hotu ten an hrilhfiah nghal zel a ni.