CEM COVID-19 RELIEF BUHFAI THAWNCHHUAH BELH ZEL ANI


Thawhlehni, June ni 16, 2020 Lai Autonomous Disrict Council CEM Relief Fund for COVID-19 atanga lei, relief buhfai athlawna semtur thawnchhuah belh zel ani. Vawiin khan buhfai hi trip-thum thawnchhuah niin, trip khat hi bag 99 ani a, hei hi Lungtian cluster-a semtur ani. Officer-in-charge Pu Malsawmtluanga Hlawnchhing, Assistant Engineer (PHE) LADC- leh a ho ten an kalpui ani


Buhfai bag 220, motor pahnih hmanga thawnchhuah bawk chu officer-in-charge Pu C. Lawmsangzuala, Taxation Officer LADC leh a hote kalpuiin hei hi Chawngte ‘P’ cluster leh Diltlang ahte sem ani ang.


Naktuk June ni 17 (Thawhlehni) hian Sangau cluster-a semchhuah tur thawnchhuah leh ani anga, hetah hian bag 339 thawnchhuah tura ruahman niin, officer –in-charge Pu Albert Lalrinzuala, Asst. Conservator of Forest LADC leh a hoten an chhuahpui leh dawn ani.


Buhfai hi cluster tinah VLTF leh khawtlang hruaitute nena tanghovin rualkhai taka sem thin ani a, thawnchhuah anih hma in Nodal Officer (DM&R) Pu Thathluna Chinzah SYO leh Local Administrative Officer Pu J. Zahlira ten uluk takin an enpui thin ani.


CEM relief buhfai semchhuah mek zel laiin vawiin vek khan CEM Relief Fund for COVID-19 ah LIKBK Lawngtlai Council Veng chuan Cheng 10,000- (Singkhat) an hlan leh bawk ani.



written by

Collins Ngurnunchhunga

AIPRO


I & P R - LADC

16062020-1500



ladc.mizoram.gov.in/post/cem-relief-buhfai-thawnchhuah-belh-ani