CEM RELIEF BUHFAI VAILIAM ANI

Zirtawpni, June ni 12, 2020:- Chief Executive Member's Relief Fund for COVID-19 sum tlingkhawl, pawl, mimal, Sorkar hnathawkte leh mi tlawmngai ten an chhunkhawm atanga lei, buhfai chu sem turin vawiin khan CEM Pu T. Zakunga hovin LADC Executive Secretariat kawt atangin a vailiam ani. A thawhkhatna ah hian Vaseikai leh Bungtlang South leh Tuithumhnar cluster khua te tana sem tura ruahman ani.   

Vaiseikai cluster tan hian buhfai kg 50 bag 333 thawnchhuah niin Pu C. Sangthanzuala, Asst. Local Administrative Officer-in kalpuiin a sem dan a endikpui anga, Bungtlang South leh Tuithumhnar cluster tan hian kg50 bag tho 115 thawnchhuah niin officer-in-charge hi Pu Th. Lalbiakliana, Asst. Industry Officer ani.

CEM Relief Fund for COVID-19 buhfai semdan tur hi relief committee-in a tul angin ruahman zel dawn ani. CEM Relief Fund for COVID-19 atang hian buhfai quintals sangkhat (1000 qtls) chuang lei ani. CEM hi office holders leh official atangin Pu H. Lalramenga, Executive Secretary, Pu Thathluna Chinzah, SYO (Nodal Officer DM&R) leh Pu J. Zahlira, Local Administration Officer ten an tawiawm ani. 

CEM Relief Fund for COVID-19 atan hian vawiin vek khan Handpick Collection Lawgtlai Bazar chuan Cheng 5,000/- (Sangnga) an hlan bawk ani.

Written by

Collins Ngurnunchhunga

AIPRO

I & P R - LADC

12062020-1600

ladc.mizoram.gov.in/post/cem-relief-buhfai-vailiam-ani