INFORMATION & PUBLIC RELATIONS DEPARTMENT,

Lai Autonomous District Council, Lawngtlai

 

PR.No.48/ 2021- 2022

"Pu Lalropuia Chinzah, Executive Member, i/c Agriculture & Horticulture etc,. hovin,kuthnathawktu te hnenah thlasik thlai chi semchhuak"

Lawngtlai, the 18th October, 2021: Vawiin khan Agriculture Department leh Horticulture Department, LADC te chuan Thlasik thlai Chi kuthnathawktute hnenah a sem chhuak. 

Thlai chi sem hma hian inkhawmna tawi buatsaih a ni a, he inkhawm tawiah hian Pu Lalropuia Chinzah, Agriculture leh Horticulture Department changtu Executive Member chuan thu sawiin, "LADC Sorkar chuan kuthnathawktute a theih ang angin a ngaihsak hle a, thlai chi tha an chin a, an mahni an intodelh bakah, sum lakluhna tha an neihtheih nan. LADC  Sorkar chuan Department Officers te leh KVK Lawngtlaia mithiamte rawn angin, thlai chi tha leiin, a thlawnin an semchhuak a ni" a ti.

Thlai chi áš­ha  a nawlpuia semchhuah piah lamah hian,  a ram leilung leh boruak a zira thlai chi thlan bik leh khaw thlan bikah te Horticulture mithiamte kaihhruaina hnuaiah thlai chingin, kut hnathawktuten a hlawkna an tel mek  ani

Thlai chin, enkawl leh sawngbawl chungchanga tanpui tur leh chawmdawl zel turin LADC a Horticulture Department leh Agriculture department-te chu an inhawng em em a ni, a ti bawk. 

Vawiina Thlai chi semchhuah te hi thlasik laia chin chi, Antam, Brocoli, Changkha, Prunsen leh thlai chi dang te an ni.

 

Written & Published by: I & PR.LADC Lawngtlai.